Икона Божией Матери "Успение Пресвятой Богородицы"
О Пресвятая Богородице Дево, Владычице, вышшая Ангел и Архангел и всея твари Честнейшая, ангельское великое удивление, пророческая высокая проповедь, апостольская преславная похвало, святителей изрядное украшение, мучеников крепкое утверждение, иноков спасительное наставление, постников неизнемогающее воздержание, девствующих чистото и славо, матерей тихое веселие, младенцев мудросте и наказание, вдовиц и сирых Кормительнице, нагих одеяние, болящих здравие, пленников избавление, по морю плавающих тишино, обуреваемых небурное пристанище, блуждающих нетрудная Наставнице, путешествующих легкое прохождение, труждающихся благое покоище, в бедах сущих скорая Заступнице, обидимых Покрове и прибежище, ненадеющихся надеяние, требующих Помощнице, печальных присное утешение, ненавидимых любовное смирение, грешников спасение и к Богу присвоение, правоверных всех твердое ограждение, непобедимое поможение и заступление! Тобою нам, Владычице, Невидимый видим бысть, и Тебе мольбу приносим, Госпоже, грешнии раби Твои: О Премилостивая и Пречудная Света умнаго Царице, рождшая Царя Христа, Бога нашего, Живодавца всех, от небесных славимая и от земных хвалимая, ангельский уме, светозарная звездо, святых Пресвятейшая, Владычице всех тварей, Боголепная Девице, Нескверная Невесто, палато Духа Пресвятаго, огненный Престоле Невидимаго Царя, небесный кивоте, носило Слова Божия, огнеобразная колеснице, покоище Живаго Бога, неизреченное составление плоти Христовы, гнездо Орла Небеснаго, Горлице Богогласная, Голубице кроткая, тихая и незлобивая, Мати чадолюбивая, милостей бездно, развергающая тучу гнева Божия, неизмеримая глубино, неизреченная тайно, несведомое чудо, не рук отворенная Церкве Единаго Царя всех век, благоуханное кадило, честная багрянице, Боготканная порфиро, душевный раю, живоноснаго сада отрасле, цвете прекрасный, процветший нам небесное веселие, грозде спасения нашего, чаше Царя Небеснаго, в нейже растворися от Духа Святаго вино неисчерпаемыя благодати, Ходатаице закона, зачало истинныя веры Христовы непоколебимый столпе, мечу ярости Божия на богопротивных, бесов устрашение, во бранех побеждение, христиан всех неложная Хранительнице и мира всего известное спасение! О Всемилостивая Госпоже, Дево Владычице, Богородице, услыши нас, молящихся Тебе, и яви милость Твою на людей Твоих, моли Сына Своего избавитися нам от всякаго зла и сохрани обитель нашу и всяку обитель, и град, и страну верных, и люди, благочестно прибегающия и призывающия имя Твое святое, от всякия напасти, губительства, глада, труса, потопа, огня, меча, нашествия иноплеменников и междоусобныя о ран и, от всякия болезни и всякаго обстояния, да ни ранами, ни прещением, ни мором, ни всяким праведным гневом Божиим умалятся раби Твои. Но соблюдай и спасай милостию Своею, Госпоже, за ны молящися, и полезное благорастворение воздуха во времени плоднаго приношения нам даруй. Облегчи, возстави и помилуй, Премилостивая Владычице, Богородице препетая, во всякой беде и нужде сущия. Помяни рабы Твоя и не презри слез и воздыхания с нашего, и обнови нас благостию Своея милости, да со благодарением утешаемся, обретше Тя Помощницу. Умилосердися, Госпоже Пречистая, на немощныя люди Твоя, Надеждо наша. Разсеянныя собери, заблудшия на путь правый настави, отпадшия от благочестивыя отеческия веры паки возврати, старость поддержи, юныя вразуми, младенцы воспитай и прослави славящия Тя, изряднее же - Церковь Сына Твоего соблюди и сохрани в долготу дний. О Милостивая и Премилостивая Царице Небесе и земли, Богородице Приснодево! Ходатайством Твоим помилуй страну нашу и воинство ея и вся православныя христианы, сохраняющи их под кровом милости Твоея, ризою Твоею честною защити и моли из Тебе воплошагося без семене Христа, Бога нашего, да препояшет ны свыше силою на вся видимыя и невидимыя враги наша. Спаси же и помилуй, Госпоже, Великаго Господина и Отца нашего Алексия, Святейшего Патриарха Московского и всея Руси, преосвященныя митрополиты, архиепископы и епископы православныя, иереи же и диаконы и весь причет церковный, и весь монашеский чин, и вся правоверныя люди, поклоняющияся и молящияся пред честною Твоею иконою. Призри на всех нас призрением милостивнаго Твоего заступления, воздвигни нас из глубины греховныя и просвети очи сердечныя ко зрению спасения, милостива нам буди зде и на Страшнем Суде Сына Твоего о нас умоли, преставльшияся во благочестии от жития сего рабы Твоя в вечней жизни со Ангелы и Архангелы и со всеми святыми причти, да одесную Сына Твоего Бога предстанут, и молитвою Твоею сподоби вся православныя христианы со Христом жити и радости ангельския в Небесных селениих наслаждатися. Ты бо еси, Госпоже, слава Небесных и упование земных, Ты наша Надежда и Заступница всех притекающих к Тебе и Твоея святыя помощи просящих. Ты Молебница наша теплая к Сыну Твоему и Богу нашему. Твоя Матерняя молитва много может на умоление Владыки, и Твоим предстательством ко Престолу благодати Пресвятых и Животворящих Его Тайн приступати дерзаем, аще и недостойнии. Темже всечестный образ Твой и рукою Твоею держимаго Вседержителя видяще на иконе, радуемся, грешнии, со умилением припадающе, и любовию сей целуем, чающе, Госпоже, Твоими святыми Богоприятными молитвами дойти Небесныя безконечныя жизни и непостыдно стати в день судный одесную Сына Твоего и Бога нашего, славяще Его купно со Безначальным Отцем и Пресвятым, Благим, Животворящим и Единосущным Духом, во веки веков. Аминь.
Тропарь Успению Пресвятой Богородицы
Кондак, глас 2
В молитвах неусыпающую Богородицу и в предстательствах непреложное упование гроб и умерщвление не удержаста: якоже бо Живота Матерь к животу престави во утробу Вселивыйся приснодевственную.
Величание
Величаем Тя, Пренепорочная Мати Христа Бога нашего, и всеславное славим Успение Твое.
Задостойник, глас 1
Ангели, Успение Пречистыя видевше, удивишася, како Дева восходит от земли на Небо. Побеждаются естества уставы в Тебе, Дево Чистая, девствует бо рождество и Живот предобручает смерть; по рождестве Дева и по смерти жива, спасаеши присно, Богородице, наследие Твое.
Об иконе
Успение Пресвятой Богородицы было на 15-м году после Вознесения и на 48-й после Рождества Христова. После вознесения Иисуса Христа на небо Пресвятой Богородица жила в Иерусалиме у евангелиста Иоанна Богослова, которому со креста Сам Господь повелел быть для Нея вместо сына, а Ей для него вместо матери. Подобно апостолам, и Пресвятая Богородица проповедовала о Христе Спасителе. Она любила часто посещать те места, где пребывал Сын Ея Господь во время земной Своей жизни. В одно время Она молилась в саду Гефсиманском - там, где Господь молился пред Своими страданиями. Тут явился Ей архангел Гавриил и сказал, что чрез три дня последует Ея, успение т. е. смерть. И ко дню успения Пресвятой Богородицы собрались из разных стран, где проповедовали, святые апостолы, кроме одного Фомы: ангелы на облаках перенесли их оттуда в Иерусалим.
15 августа Пресвятая Богородица, возлежа на постели, без малейшего страдания, как бы засыпая, умерла. Сам Сын Ея Иисус Христос явился в необыкновенном свете с ангелами и принял, душу Ея. Апостолы на своих плечах несли тело Пресвятой Богородицы для погребения. Узнав о погребении Пресвятой Богородицы, евреи хотели оскорбить тело Ея. Один из них, священник Аффоний, забежав вперед шествия, ухватил обеими руками одр, на котором несли пречистое тело, и хотел было опрокинуть его на землю. Ангел невидимо отсек ему кисти рук. Аффоний раскаялся, уверовал во Христа и тотчас же был исцелен апостолами.
На третий день после погребения пришел в Иерусалим и Фома. Узнав о смерти Пресвятой Богородицы, он жалел, что ему не пришлось быть при Ея погребении, и пожелал хотя взглянуть и облобызать пречистое тело Ея. Пошли на гроб Пресвятой Богородицы, и когда открыли гроб, то увидели, что он пуст; там лежат только погребальныя пелены. Тогда апостолы уразумели, что Пресвятая Богородица воскресла и взята с телом на небо в третий день после Своего успения. Затем Сама Она явилась им в теле на воздухе, окруженная ангелами и святыми человеками.
Из всех икон Успения самая древняя и свято чтимая в России храмовая икона в главном Киево-Печерском храме. Эта икона была чудесным образом передана Пресвятою Богородицею строителям великой лаврской церкви; пред этою иконою много веков молились страждущие и больные и получали утешение и исцеление. С этой чудотворной иконы во всех храмах находятся точные копии, и некоторые из них прославились чудотворениями.
После Киево-Печерской из всех икон Успения Божией Матери замечательна икона, писанная на гробовой доске святого митрополита Алексия, и местная икона Успения, писанная митрополитом Московским Петром; она поновлена в 1718 году. Вышиною эта икона 2 аршина 5 вершков, шириною 2 аршина 4 вершка; на ней серебряная вызолоченная риза и золотые венцы с бриллиантами на Спасителе и Богоматери. Святитель Петр написал подобие с древнейшего образца иконы, принесенной из Константинополя в Киев, по особенному усмотрению Провидения.
На этой иконе внизу изображено пречистое тело Пресвятой Богородицы, по отшествии души Ее, почивающее на одре. Собор апостолов поднимает одр и несет его к месту погребения; святой апостол Петр воздает ему честь каждением фимиама. Вверху, над смертным одром и над бездыханным телом Пресвятой Девы, икона представляет Самого Христа Спасителя, держащего на руках душу Ее, в образе младенческом, что означает начатие новой жизни на небесах. Небесные Силы сопровождают чистую душу Матери Божией и с благоговейным страхом взывают: "Радуйся, Благодатная, Господь с Тобою". Небесные Силы так прославляют Царицу Небесную, а православный мир, здесь на земле, не перестает взывать к Ней: "Пресвятая Богородица, помогай нам!"
![[]](/img/r/raba_b_i/molitva-57/ikonabozhiejmateriuspenie.jpg)